२०१८ ते २०२० या कालावधीमध्ये यवतमाळ व औरंगाबाद या दोन जिल्हातील एकात्मिक बाल विकास योजना यांच्या अंतर्गत पर्यवेक्षिका तर आरोग्य विभाग यांच्या अंतर्गत समूह संघटक, आशा गटप्रवर्तक यांचे एकत्रित पाच दिवसाचे प्रशिक्षण घेतले जात होते. हे पाच दिवसाचे प्रशिक्षण पुढील तीन महिन्यामध्ये अंगणवाडी व आशा कार्यकर्ती यांना एकत्रितपणे महिन्यातून एक दिवस त्या बीट / पी. एच. सी. अंतर्गत येणाऱ्या पर्यवेक्षिका व गटप्रवर्तक यांच्या मार्फत दिल्या गेले. अशाप्रकारे प्रशिक्षणाचा पहिला टप्पा तीन महिन्यात पूर्ण झाल्यानंतर दूसरा टप्पात पुन्हा पर्यावेक्षिका व समूह संघटक, आशा गटप्रवर्तक यांना पाच दिवसाचे प्रशिक्षण दिल्या जात होते. त्यांच्या मार्फत अंगणवाडी व आशा कार्यकर्तींना एकत्रित प्रशिक्षण दिल्या जात. अशाप्रकारे अंगणवाडी पर्यवेक्षिका, समूह संघटक, आशा गटप्रवर्तक यांचे एकत्रित पाच टप्प्यामध्ये म्हणजे २५ दिवस प्रशिक्षण दिल्या गेले तर प्रत्येक महिन्याला एक दिवस असे १५ महीने अंगणवाडी व आशा कार्यकर्ती यांना एकत्रित आरंभचे प्रशिक्षण दिल्या गेले. अशाप्रकारे वरच्या स्तरापासून ते उपक्रमांतर्गत प्रत्येक लाभार्थीपर्यंत माहिती पोहचण्यासाठी कॅस्केड मॉड्यूलचा उपयोग करण्यात आला व तो खूप प्रभावी ठरला.