पालक बालकांना मजेशीर, खेळकर गोष्टीतून शिकण्याचा अनुभव घेण्यासाठी मदत व प्रोत्साहन देऊ शकतात. खेळतांना बालकाला इजा होणार नाही याची काळजी घ्या. त्यासाठी त्याच्या खेळण्याची जागा मोकळी अडथळे विरहित करा. ते खेळत असताना पूर्ण वेळ ते सुरक्षित राहील याकडे लक्ष दया. तुमच्या बालकांचे म्हणणे ऐकुण घ्या की त्याला आज काय करायचे आहे. त्यांनी संगीतल्याप्रमाणे त्यांना पाहिजे असे वातावरण तयार करा, ज्यातून त्यांना ते करीत असलेल्या कामात विशेष आवड निर्माण होईल. उदा. जर त्यांना घर बांधायचे असेल तर तुम्ही त्यांना घर बांधण्यासाठी आवश्यक असलेले साहित्य देण्यासाठी तसेच योग्य जागा निवडण्यासाठी मदत करा. तुमच्या बालकाला कोणते साहित्य पाहिजे असू शकते व घरात आजूबाजूला काय उपलब्ध असेल यांचा विचार करा. जर तुमच्या बालकाला कोडे सोडवायचे असेल व घरात जर ते उपलब्ध नसेल तर घरातील काही चित्र तसेच कॅलेंडर यांचे तुकडे करून त्यातून कोडे तयार करून दया.

जेव्हा तुमच्या बालकाला कोणती समस्या येते तेव्हा ती समस्या सोडविण्यासाठी तुमच्या बालकाला ती सोडविण्यासाठी मार्ग दाखवा. बालकाला तुला काय करावे असे वाटते? तू ही समस्या कशी सोडविणार आहेस? असे प्रश्न विचारा. तुम्ही बालकांसाठी सर्व करून देऊ नका, तुम्ही त्यांना फक्त थोडे संकेत दया किंवा थोडी मदत करा जेणेकरून बालक विचार करून स्वतःची समस्या सोडवू शकेल.

बालकांचे कौशल्य विकसित करण्याकरिता काही कृती – त्यांना मऊ, खडबडीत असे वेगवेगळे स्पर्श अनुभवायला दया. वस्तु लपवा व त्यांना शोधायला सांगा. बालकांना वेगवेगळी किडी सोडविण्यासाठी प्रोत्साहित करा.