भारतातील तरुण पिढी त्यांच्या अपुऱ्या क्षमतेमुळे शैक्षणिक क्षेत्रात अपयशी ठरत आहे. त्याचबरोबर अपुऱ्या पोषणामुळे रोजगार क्षमता, ताणतणाव आणि मर्यादीत शिक्षण मिळत असल्यामुळे डब्ल्यूएचओ / युनिसेफने यावर लक्ष केंद्रित करून (nurturing care framework) कृतीसाठी एक आराखडा तयार केलेला आहे. त्यानुसारच गर्भधारणेपासून ते ३ वर्षापर्यंतच्या कालावधीवर विशेष लक्ष केंद्रित करून बालकांच्या विकासासाठी सेवा देणारे, तसेच कुटुंबाचे आणि समुदायाचे सक्षमीकरण करण्यासाठी अनुकूल वातावरण निर्माण करण्यावर अधिक भर देत आहे. महात्मा गांधी आयुर्विज्ञान संस्था सेवाग्राम २०१० पासून एकात्मिक बाल विकास सेवा योजना (ICDS), आरोग्य विभाग तसेच इतर विभागासोबत प्रायोगिक आणि विस्तारित तत्वावर बालसंगोपनासाठी वेगवेगळे उपक्रम राबवित आहे.